Vöen Nədir və Niyə Vacibdir?

Vergi ödəycisinin eyniləşdirmə nömrəsi - AR nazirlər kabinetinin 2000-ci il 21 dekabr tarixli 222 nömrəli qərarına əsasən mülkiyyət formasından asılı olmayaraq bütün hüquqi şəxslərin, onların filiallarının, nümayəndəliklərinin, həmçinin vergi ödəyicisi olan fiziki şəxslərin-fərdi sahibkarların uçotu onlara vergi orqanları tərəfindən VÖEN verilməklə aparılır.

Yəni fəaliyyət növündən asılı olmayaraq hər bir fiziki və hüquqi şəxs yalnız VÖEN nömrəsi aldıqdan sonra fəaliyyət göstərə bilər. Bu nömrə, vergi orqanları tərəfindən vergi ödəyicisinin identifikasiya yəni aşkar edilməsi üçün istifadə olunur.  

Həmçinin VÖEN, vergi ödəyicisinin fəaliyyətinin dayandırılması və ya fəaliyyətə xitam verilməsi üçün də tələb olunur.

Vöen-i necə aça bilərsiniz?

VÖEN-i açmaq üçün şəxsiyyət vəsiqəsi ilə yaşadığınız ərazinin Vergi İdarəsinə və ya ASAN Xidmət mərkəzinə yaxınlaşaraq və ya buradan elektron şəkildə müraciət edərək əldə edə və ya mühasibatlıq xidmətlərimizə müraciət edərək mütəxəssislərimizdən dəstək ala bilərsiniz.